శుభ్రదేహం సదా క్రోధరక్తేక్షణమ్
భక్తపాలం కృపాలుం కృపావారిధిమ్
విప్రవంశావతంసం ధనుర్ధారిణమ్
భవ్యయజ్ఞోపవీతం కలాకారిణమ్
యస్య హస్తే కుఠారం మహాతీక్ష్ణకమ్
రేణుకానన్దనం జామదగ్న్యం భజే ॥ ౧॥
సౌమ్యరుపం మనోజ్ఞం సురైర్వన్దితమ్
జన్మతః బ్రహ్మచారివ్రతే సుస్థిరమ్
పూర్ణతేజస్వినం యోగయోగీశ్వరమ్
పాపసన్తాపరోగాదిసంహారిణమ్
దివ్యభవ్యాత్మకం శత్రుసంహారకమ్
రేణుకానన్దనం జామదగ్న్యం భజే ॥ ౨॥
ఋద్ధిసిద్ధిప్రదాతా విధాతా భువో
జ్ఞానవిజ్ఞానదాతా ప్రదాతా సుఖమ్
విశ్వధాతా సుత్రాతాఽఖిలం విష్టపమ్
తత్వజ్ఞాతా సదా పాతు మామ్ నిర్బలమ్
పూజ్యమానం నిశానాథభాసం విభుమ్
రేణుకానన్దనం జామదగ్న్యం భజే ॥ ౩॥
దుఃఖ దారిద్ర్యదావాగ్నయే తోయదమ్
బుద్ధిజాడ్యం వినాశాయ చైతన్యదమ్
విత్తమైశ్వర్యదానాయ విత్తేశ్వరమ్
సర్వశక్తిప్రదానాయ లక్ష్మీపతిమ్
మఙ్గలం జ్ఞానగమ్యం జగత్పాలకమ్
రేణుకానన్దనం జామదగ్న్యం భజే ॥ ౪॥
యశ్చ హన్తా సహస్రార్జునం హైహయమ్
త్రైగుణం సప్తకృత్వా మహాక్రోధనైః
దుష్టశూన్యా ధరా యేన సత్యం కృతా
దివ్యదేహం దయాదానదేవం భజే
ఘోరరూపం మహాతేజసం వీరకమ్
రేణుకానన్దనం జామదగ్న్యం భజే ॥ ౫॥
మారయిత్వా మహాదుష్ట భూపాలకాన్
యేన శోణేన కుణ్డేకృతం తర్పణమ్
యేన శోణీకృతా శోణనామ్నీ నదీ
స్వస్య దేశస్య మూఢా హతాః ద్రోహిణః
స్వస్య రాష్ట్రస్య శుద్ధిఃకృతా శోభనా
రేణుకానన్దనం జామదగ్న్యం భజే ॥ ౬॥
దీనత్రాతా ప్రభో పాహి మామ్ పాలక!
రక్ష సంసారరక్షావిధౌ దక్షక!
దేహి సంమోహనీ భావినీ పావనీ
స్వీయ పాదారవిన్దస్య సేవా పరా
పూర్ణమారుణ్యరూపం పరం మఞ్జులమ్
రేణుకానన్దనం జామదగ్న్యం భజే ॥ ౭॥
యే జయోద్ఘోషకాః పాదసమ్పూజకాః
సత్వరం వాఞ్ఛితం తే లభన్తే నరాః
దేహగేహాదిసౌఖ్యం పరం ప్రాప్య వై
దివ్యలోకం తథాన్తే ప్రియం యాన్తి తే
భక్తసంరక్షకం విశ్వసమ్పాలకమ్
రేణుకానన్దనం జామదగ్న్యం భజే ॥ ౮॥
॥ ఇతి శ్రీపరశురామాష్టకం సమ్పూర్ణమ్ ॥
ശുഭ്രദേഹം സദാ ക്രോധരക്തേക്ഷണം
ഭക്തപാലം കൃപാലും കൃപാവാരിധിം
വിപ്രവംശാവതംസം ധനുര്ധാരിണം
ഭവ്യയജ്ഞോപവീതം കലാകാരിണം
യസ്യ ഹസ്തേ കുഠാരം മഹാതീക്ഷ്ണകം
രേണുകാനന്ദനം ജാമദഗ്ന്യം ഭജേ ॥ 1॥
സൌംയരുപം മനോജ്ഞം സുരൈര്വന്ദിതം
ജന്മതഃ ബ്രഹ്മചാരിവ്രതേ സുസ്ഥിരം
പൂര്ണതേജസ്വിനം യോഗയോഗീശ്വരം
പാപസന്താപരോഗാദിസംഹാരിണം
ദിവ്യഭവ്യാത്മകം ശത്രുസംഹാരകം
രേണുകാനന്ദനം ജാമദഗ്ന്യം ഭജേ ॥ 2॥
ഋദ്ധിസിദ്ധിപ്രദാതാ വിധാതാ ഭുവോ
ജ്ഞാനവിജ്ഞാനദാതാ പ്രദാതാ സുഖം
വിശ്വധാതാ സുത്രാതാഽഖിലം വിഷ്ടപം
തത്വജ്ഞാതാ സദാ പാതു മാം നിര്ബലം
പൂജ്യമാനം നിശാനാഥഭാസം വിഭും
രേണുകാനന്ദനം ജാമദഗ്ന്യം ഭജേ ॥ 3॥
ദുഃഖ ദാരിദ്ര്യദാവാഗ്നയേ തോയദം
ബുദ്ധിജാഡ്യം വിനാശായ ചൈതന്യദം
വിത്തമൈശ്വര്യദാനായ വിത്തേശ്വരം
സര്വശക്തിപ്രദാനായ ലക്ഷ്മീപതിം
മങ്ഗലം ജ്ഞാനഗംയം ജഗത്പാലകം
രേണുകാനന്ദനം ജാമദഗ്ന്യം ഭജേ ॥ 4॥
യശ്ച ഹന്താ സഹസ്രാര്ജുനം ഹൈഹയം
ത്രൈഗുണം സപ്തകൃത്വാ മഹാക്രോധനൈഃ
ദുഷ്ടശൂന്യാ ധരാ യേന സത്യം കൃതാ
ദിവ്യദേഹം ദയാദാനദേവം ഭജേ
ഘോരരൂപം മഹാതേജസം വീരകം
രേണുകാനന്ദനം ജാമദഗ്ന്യം ഭജേ ॥ 5॥
മാരയിത്വാ മഹാദുഷ്ട ഭൂപാലകാന്
യേന ശോണേന കുണ്ഡേകൃതം തര്പണം
യേന ശോണീകൃതാ ശോണനാംനീ നദീ
സ്വസ്യ ദേശസ്യ മൂഢാ ഹതാഃ ദ്രോഹിണഃ
സ്വസ്യ രാഷ്ട്രസ്യ ശുദ്ധിഃകൃതാ ശോഭനാ
രേണുകാനന്ദനം ജാമദഗ്ന്യം ഭജേ ॥ 6॥
ദീനത്രാതാ പ്രഭോ പാഹി മാം പാലക!
രക്ഷ സംസാരരക്ഷാവിധൌ ദക്ഷക!
ദേഹി സമ്മോഹനീ ഭാവിനീ പാവനീ
സ്വീയ പാദാരവിന്ദസ്യ സേവാ പരാ
പൂര്ണമാരുണ്യരൂപം പരം മഞ്ജുലം
രേണുകാനന്ദനം ജാമദഗ്ന്യം ഭജേ ॥ 7॥
യേ ജയോദ്ഘോഷകാഃ പാദസമ്പൂജകാഃ
സത്വരം വാഞ്ഛിതം തേ ലഭന്തേ നരാഃ
ദേഹഗേഹാദിസൌഖ്യം പരം പ്രാപ്യ വൈ
ദിവ്യലോകം തഥാന്തേ പ്രിയം യാന്തി തേ
ഭക്തസംരക്ഷകം വിശ്വസമ്പാലകം
രേണുകാനന്ദനം ജാമദഗ്ന്യം ഭജേ ॥ 8॥
॥ ഇതി ശ്രീപരശുരാമാഷ്ടകം സമ്പൂര്ണം ॥
No comments:
Post a Comment