vaaraahee nigrahaashTakam 

devi kroDamukhi tvadanghri kamala dvandva anuraktaatmane mahyam druhyati yo maheshi manasaa kaayena vaachaa narah | tasyaashu tvadayogra nishThura halaaghaata prabhoota vyathaa paryasyanmanaso bhavantu vapushah praaNaah prayaaNonmukhaah || 1 || 

devi tvat paadapadma bhaktivibhava praksheeNa dushkarmaNi praadurbhoota nrushamsa bhaavamalinaam vruttim vidhatte mayi | yo dehee bhuvane tadeeya hrudayaannirgatvaraih lohitaih sadyah poorayase karaabja chashakam vaanChaaphalairmaamapi || 2 ||

chanDottunDa videerNa damshTra hrudaya prodbhinna raktachChaTaa haalaapaana madaaTTahaasa ninadaaTopa prataapotkaTam | maatarmat paripanthinaamapahrutaih praaNaih tvadanghri dvayam dhyaanoddaamaravaih bhavodaya vashaat santarpayaami kshaNaat || 3 || 

shyaamaam taamarasaananaanghri nayanaam somaardhachooDaam jagattraaNa vyagra halaayudhaagra musalaam santraasa mudraavateem | ye tvaam raktakapaalineem haravaraarohe varaahaananaam bhaavaih sandadhate katham kshaNamapi praaNanti teshaam dvishah || 4 || 

vishvaadheeshvara-vallabhe vijayase yaa tvam niyantryaatmikaa bhootaantaa purushaayushaavadhikaree paakapradaa karmaNaam | tvaam yaache bhavateem kimapyavitatham yo madvirodhee janah tasyaayurmama vaanChitaavadhi bhaven maatah tavaivaaj~jayaa || 5 || 

maatah samyagupaasitum jaDamatistvaam naiva shaknomyaham yadyapyanvita daishikaanghri kamalaanukrosha paatrasya me | jantuh kashchana chintayatyakushalam yastasya tadvaishasam bhooyaaddevi virodhino mama cha te shreyah padaasanginah || 6 || 

vaaraahi vyathamaana maanasagalat saukhyam tadaashaabalim seedantam yamapaakrutaadhyavasitam praaptaakhilotpaaditam | krandadbandhujanaih kalankitatulam kanThavraNodyatkrumi pashyaami pratipakshamaashu patitam bhraantam luThantam muhuh || 7 || 

vaaraahi tvam asheshajantushu punah praaNaatmikaa spandase shakti vyaapta charaacharaa khalu yatastvaam etadabhyarthaye | tvat paadaambuja sangino mama sakrutpaapam chikeershanti ye teshaam maa kuru shankara priyatame dehaantara avasthitim || 8 || ||

 iti shree vaaraahee nigrahaashTakam sampoorNam ||